Gikumperma sa kampo ni Atong Ang, nga niluwat na ang korte sa ikatulong warrant of arrest kalabot sa giatubang nga kaso may kalabutan sa pagkahanaw sa mga sabungero.
Matod ni Atty. Gabriel Villareal, abogado ni Atong Ang, ang Regional Trial Court sa San Pablo, Laguna mao ang niluwat sa warrant batok sa negosyante.
Ang kaso ngalangkob sa Kidnapping and Serious Illegal Detention, diin ang korte nipagawas og kamanduan alang sa pagdakop sa pugante nga si Ang.
Kahinumduman, bag-o lang gi-postpone sa San Pablo, Laguna Regional Trial Court ang pagluwat og warrant of arrest batok sa negosyanteng si Charlie “Atong” Ang, human niduso ang iyang kampo og motion to suspend proceedings ngadto sa korte batok sa pagluwat dayon og warrant sa kaso.
Kini ang ikatulong warrant nga giluwatan sa korte nunot sa susamang mga isyu sa uban sa Regional Trial Courts sa Sta. Cruz, Laguna ug Lipa City sa Batangas.
Photo Courtesy: Philippine News Agency
