Nabalaka ang mga meat vendors sa M’lang Public Market, human natala ang bag-ong kaso sa African Swine Fever (ASF) sa Barangay Lika, M’lang, Cotabato.
Sumala pa ni Jave Paracha ang Market Supervisor 1, nga na-trauma na ang mga vendors sa milabay nga pag-igo sa ASF, asa apektado ang tanan labi na ang mga hog raisers.
Dugang pa, nga luyo sa natalang kaso sa ASF, nagpabilin gihapon ngadto sa 280 ang presyo sa karne. Panawagan ni Paracha sa publiko, nga sundon gayud ang gipagula nga Executive Order No.09 sa munisipyo, aron mapungan ang pagkuyanap sa ASF.
