Gibutyag ni Kim Molina nga sa March na ang kasal nila sa iyang fiancé nga si Jerald Napoles. Kahinumdumang kaniadtong Agosto 2024 pa nahitabo ang engagement nila after 10 years sa ilang relasyon.
Ang sikat nga fashion designer nga si Mak Tumang ang mogama sa wedding gown. Si Mak ang migama sa mga evening gown nila Miss Universe 2018 Catriona Gray ug Miss Universe 2025 3rd Runner-up Ahtisa Manalo.
Ang rebelasyon ni Kim bahin sa kasal nila ni Jerald, nahitabo atol sa media conference sa bag-o nilang pelikula nga “Wonderful Nightmare.”
Sumala pa ni Kim, ang hinungdan nga nadugay ang ilang kasal, tungod nagtrabaho pa sila ug nagtigom og kuwarta.
Photo Courtesy: Pep.ph
