Nabawi sa Pilipinas ang ranggo niini isip ikaduhang pinakadakong exporter sa saging sa kalibutan. Diin palapdan sa Department of Agriculture (DA) ang export portfolio alang sa high-value crops (HVC).
Ubos sa 2025 High Value Crops Development Program, ang DA nag apod-apod ug 106,000 ka materyales sa pagpananom ngadto sa mga lokal nga mag-uuma aron madugangan pa ang produksiyon sa saging ug uban pang produkto sa agrikultura aron matubag ang panginahanglan sa world market.
Matod ni Agriculture Secretary Francisco Tiu Laurel Jr., base sa pinakaulahing report sa Food and Agriculture Organization (FAO) sa United Nations, kompirmado nga positibo ang resulta sa mga target nga interbensyon sa gobyerno.
Kun asa sa pagkakaron ikaduha ang Pilipinas sunod sa Ecuador sa pag-eksport sa saging ug nagpabiling nag unang tigsuplay sa saging sa Asya, human ang gidaghanon sa eksport misaka ug 25.6 porsyento ngadto sa 2.93 milyon metriko tonelada (MMT) sa katapusan sa tuig 2025.
Photo Courtesy: Fresh Plaza
