Tulo ka opisyal sa DPWH Second District, Pampanga gi-relieve sa ilang posisyon tungod sa alegasyon nga nangayo sila og hangtod 8% nga komisyon sa proyekto. Gisuspenso sila epektibo dayon samtang nagpadayon ang imbestigasyon ug iproseso kung mapamatud-an ang alegasyon.
Ang aksyon nagpadala og mensahe sa tanang DPWH officials nga seryoso ang gobyerno sa paglimpyo sa ahensya ug sa one-strike policy batok sa korapsyon.
Gisusi ni DPWH Secretary Vince Dizon ang collapsed flood control project sa Candating, Arayat isip kabahin sa technical assessment sa ahensya. Base sa initial findings sa mga engineers gikan sa DPWH Bureau of Design ug sa mga rekomendasyon sa eksperto, ang pagtukod og retention basin isip water reservoir makatabang nga malikayan ang kusog nga agos sa Candating ug Cupang.
Gitan-aw usab sa ahensya ang permanent relocation sa mga residente ug tukion ang angay nga distansya alang sa no-build zone sa lugar. Padayon usab ang imbestigasyon kung kinsa ang responsable sa pagkahugno sa proyekto nga nagbutang sa risgo sa mga residente.
Photo Courtesy: Philippine News Agency
