Gipahibalo ni Vice Gov. Marc Cagas nga gi-mando ni Gov. Yvonne Cagas ang tanang unit sa PNP, lakip ang Highway Patrol Group (HPG), nga dakpon ang mga big bikes nga mosobra sa 80 kilometers per hour, bisan kinsa pa ang rider.
“Ironman o dili Ironman, ang kaayohan sa katawhan kinahanglan unahon ug respetohon!” matod pa sa gubernatorial directive. Ang maong mando nagtinguha nga mapugngan ang disgrasya ug masiguro ang kaluwasan sa tanan nga motorista ug residente sa probinsya.
Padayon ang mga awtoridad sa strikto nga pagpatuman sa speed limit ug regulasyon sa kalsada aron malikayan ang aksidente.
