Andam ang Development Bank of the Philippines (DBP) nga mohatag og pondo sa redevelopment sa 110-anyos nga public market sa Baguio City human ang pribadong kompanya nga nagsumite og proposal para sa public-private partnership nibiya tungod sa pagduda ug protesta sa proyekto.
Mopondo ang DBP sa pagtukod og multi-story nga market building aron mapalambo ang pasilidad sa merkado sa syudad. Ang financing mahimo pinaagi sa ASENSO Program sa DBP para sa mga local government units, nga nagtinguha nga paspasan ang infrastructure ug socio-economic development sa lokal nga komunidad.
Nagsuporta ang DBP sa mga proyekto sa Baguio City nga makabenepisyo sa mga residente ug nagtan-aw usab og oportunidad nga makig-partner sa ubang LGUs alang sa ilang mga programa sa kalambuan sa komunidad.
Misunod ang lakang sa DBP human sa pagbiya sa private proponent tungod sa pagduda sa mga stakeholders bahin sa control, renta, ug disenyo sa redevelopment.
Photo Courtesy: Rappler
