Giklaro ni Interior and Local Government Secretary Jonvic Remulla nga ang koneksyon ni Atong Ang sa lain-laing lebel sa gobyerno mao ang pinakadakong babag sa iyang pagdakop. Matod ni Remulla, lisod pangitaon ang masaligan nga tawo nga motabang sa operasyon tungod sa impluwensya ug kwarta ni Ang, nga gituohan nga nakahimo og halapad nga ganansya, Php1 billion kada adlaw sulod sa lima ka tuig.
Wala pa mahibaloi kung naa pa sa Pilipinas o sa Cambodia si Ang, ug sumala sa Bureau of Immigration, wala’y record sa iyang bag-ong biyahe. Sa miaging 20 ka adlaw, naglunsad ang mga awtoridad og operasyon sa 18 ka posibleng lugar, apan nagpabilin gihapon siyang at large.
Gi-issue na ang arrest warrants batok ni Ang ug uban pa, tungod sa daghang kaso sa kidnapping with homicide ug serious illegal detention nga nalambigit sa mga missing sabungeros. Nangayo usab ang Pilipinas og Interpol red noticearon pangitaon siya internationally.
Gipanghimakak ni Ang ang tanang alegasyon. Giingon sa iyang abogado nga si Atty. Gabriel Villareal nga ang arrest warrant sa Laguna court “premature” ug “legally questionable”, tungod kay gikuha lamang kini base sa incomplete ug one-sided information gikan sa DOJ ug wala tan-awa ang counter affidavits ug ebidensya nga makapakita sa pagkawalay sala ni Ang.
Photo Courtesy: Philippine News Agency
