Arestado ang usa ka 54-anyos nga lalaki, nga empleyado sa gobyerno ilawom sa MDRRMO LGU Sulop, human masikop sa joint buy-bust operation sa kapulisan niadtong nakalabay nga adlaw, sa Purok 4, Barangay Katipunan, Sulop, Davao del Sur.
Ang operasyon gipahigayon sa MDEU sa Sulop Municipal Police Station isip led unit, uban ang PIU, PDEU sa DSPPO, 1st DSPMFC, ug 1104th Maneuver Company.
Narekober gikan sa suspetsado ang mga sachet sa gituohang shabu nga nagbug-at og 0.56 gramos nga may balor nga 3,808 pesos, buy-bust money, usa ka mobile phone, ug ubang drug paraphernalia.
Ang suspetsado karon anaa sa kustodiya sa kapulisan ug atubangon ang kaso sa paglapas sa RA 9165, samtang ang mga nasakmit nga ebidensya gisumite na para sa forensic examination.
Gipahayag sa Sulop Municiapl Police Station ang ilang hugot nga paningkamot sa pagpadayon sa mas pinalig-on nga anti-illegal drug operations alang sa mas luwas ug drug-free nga komunidad.
