Misalmot kagahapong adlawa Martes kauban ang mga pangulo sa estado, mga magbabalaod, ug mga eksperto sa tibuok kalibutan si Presidente Ferdinand Marcos Jr. sa seremonya sa pagbukas sa Abu Dhabi Sustainability Week (ADSW) 2026 Summit, usa ka dakong internasyonal nga panagtapok nga nagtumong sa pagsulbad sa mga nag-unang hagit sa kalibutan sama sa pagbag-o sa klima, renewable energy, ug malungtarong kalamboan.
Si Marcos usa sa 14 ka mga pangulo sa estado ug gobyerno nga mitambong sa seremonya sa pagbukas sa Abu Dhabi National Exhibition Centre, nga gipangulohan ni United Arab Emirates President Sheikh Mohamed bin Zayed Al Nahyan. Ang kalihokan nagtimaan sa pagsugod sa usa ka semana nga serye sa mga diskusyon sa taas nga lebel nga naka-focus sa pagpadali sa mga paningkamot sa global sustainability.
Ang Presidente giubanan ni First Lady Louise Araneta-Marcos ug pipila ka mga kalihim sa Gabinete atol sa iyang duha ka adlaw nga pagbisita sa Abu Dhabi, nga nagpasiugda sa pasalig sa Pilipinas sa internasyonal nga kooperasyon sa mga inisyatibo sa klima ug sustainability.
Human sa seremonyas sa pagbukas, nasaksihan sa mga lider sa kalibutan ang paghatag sa Zayed Sustainability Prize, ang pangunang global award sa UAE nga nag-ila sa talagsaong mga kontribusyon sa pagpadayon ug humanitarian impact. Ang premyo gitukod agig pasidungog sa namatay nga si Sheikh Zayed bin Sultan Al Nahyan, ang Founding Father sa UAE.
Photo Courtesy: PCO
