Gilantaw nga dakong tabang sa pagpalambo sa Bukidnon Coffee Industry ang 294 farmers nga bag-o lang migradwar sa School on the air Program para sa Coffee Production and Establishment nga gipasayon sa Provincial Agriculture’s Office
Gipangunahan ni Governor Rogelio Neil P. Roque ang graduation ceremony kagahapong adlawa Enero 13, 2026 kinsa mipadangat sa iyang pagdasig sa mag-uuma nga i-apply 100% sa kung unsa ang ilang nakat-onan aron taas usab ang mahimong abot sa itanum nga kape
Gipasabot ni Sis. Nelda L. Balaba, sa San Miguel, Maramag, Bukidnon, kinsa usa sa mga migradwar, ang sukaranan nganong interesado sila sa pagtanum sa kape tungod kay dalan kini nga mabalik ang nature sa lasang, sanglit magpabalik man kini sa biodiversity sa usa ka lugar, ug ang taas nga demand niini
Kahibaloang ang programa sa kape sa Provincial Government of Bukidnon naghatag kahigayonan alang sa malahutayon nga panginabuhian, pinaagi unya sa pag-apply sa standard recommendations sa pagtanum sa kape aron mahimong usa sa mga instrumento sa paglambo sa coffee industry.
Ang school on the air program gipondohan sa PGB ug sobra ₱800,000,00 alang sa 15 sessions diha sa napolo (10) ka mga local radio stations, sugod Nobyembre 10, 2025 hangtud Disyembre 12, 2025
