Gimando matud pa ni U.S. President Donald Trump ang special forces commanders nga magbuhat ug plano aron sa posibleng pagsulong sa Greenland, sumala pa sa usa ka British newspaper.
Subay sa report, gimanduan ni Trump ang Joint Special Operations Command (JSOC) nga maglunsad ug plano aron sa invasion, apan gibabagan sa Joint Chiefs of Staff tungod sa legal ug congressional issues.
Subling gikontra sa mga lokal leaders sa Greenland ang plano. Ug misulti nga dili sila gusto mahimong amerikano o Dane, ang gusto lamang nilang mahimong Greenlanders.
Gitubag usab sa Europa ang pamahayag ni Trump, nga mahimo kining ug tensiyon sa North Atlantic Treaty Organization kun (NATO) ug pangkalibutan nga seguridad.
Naunang gibutyag ni Trump sa White House nga magbuhat sila ug lakang sa Greenland, gustohon man nila o dili ug kong dili makaya sa diplomatikong pamaagi magpahigayon sila ug mas bug-at nga pamaagi aron makasulod.
Dugang pa ni US President trump nga kung dili buhaton sa Amerika, posibleng sakupon sa Russia ug China ang Greenland.
Photo Courtesy: ABC News
