Lauman sa mga kustomer sa Meralco ang gamay nga kahupayan sa ilang mga bayronon human ang power distributor mipahibalo sa pagkunhod sa singil sa kuryente alang sa Enero 2026.
Gibutyag sa Meralco niadtong Lunes nga nius-os og Php0.1637 ang singil sa kuryente matag kilowatt-hour (kWh).
Busa alang sa usa ka panimalay nga mokonsumo og 200 kWh, kini katumbas sa usa ka savings nga gibana-bana nga Php33. Gipasabot sa Meralco nga ang pagkunhod sa presyo tungod sa mas ubos nga transmission charges.
Diin ang residential transmission rates mikunhod tungod sa ubos nga ancillary service charges nga gibayad sa National Grid Corporation of the Philippines (NGCP). Dugang pa niini, ang ubos nga generation charges ug ang presyo sa kuryente sa spot market nakaapekto usab sa pagkunhod sa rate.
Saysay usab sa Meralco nga mas dako unta ang pagkunhod kon dili kini mabawasa sa mas taas nga singil gikan sa Independent Power Producers (IPPs) ug ang huyang nga kantidad sa peso batok sa dolyar.
Photo Courtesy: Inquirer
