Miabot na sa 63 ang natala nga mga kaso sa “Super Flu” sa nasud base sa pinakabag-ong datos sa Department of Health (DOH). Matod ni Health Spokesperson Albert Domingo, ang maong datos natala niadtong Disyembre 2025.
Ang ‘super flu’ usa ka variant sa influenza A o trangkaso ug dili na bag-o nga sakit alang sa katawhang Pilipino.
Pagpasabot ni Domingo, ang sintomas sa super flu walay kalahian sa kasagaran nga mga sintomas sa trangkaso sama sa pagbaton sa ubo, sip-on, hilanat ug pagpanakit sa lawas.
Taliwala niini, gihatagan ug gibug-aton sa kagamhanan nga sagad nga motaas ang mga respiratory infections niining mga panahona gumikan sa pagbag-o sa panahon.
Gihatagan ug gibug-aton ni Dominggo nga karong bulan sa Enero dako ang posibilidad sa pagbag-o sa panahon hinungdan posibleng magbaton ug iritasyon sa ilong ug tutunlan ang publiko.
Alayon niini, giawhag sa DOH ang publiko nga magsuot ug face mask isip proteksyon ug pag-amping sa susamang sitwasyon ug wala matod pa kini nagpasabot nga migrabe o makatakod ang maong flu.
Photo Courtesy: Police Files Tonite
