Patay ang usa ka biktima sa pagpangluba nga nakit-an sa usa ka bao-bao driver sa daplin sa dalan sa Barangay San Francisco Pagadian City, gabie sa January 12, 2026.
Sa inisyal nga report nga nakalap sa Juander Radyo Pagadian ang biktima naila sa alyas nga ‘Roy Tagalog’ 39-anyos, minyo, tig-deliver og ice sa isdaan, og lumad nga taga lungsod sa Dinas, Zambonga del Sur, apan kasamtangan nagpuyo sa Paglaum 1, Pagadian City.
Atol sa interview sa Juander Radyo News Team sa driver sa Bao-bao nga nailang si Alyas ‘Manuel’ iyang gikarga ang biktima dihang gipara siya sa mga estudyante tungod nakita ang biktima nagkadugo.
Gihatod sa driver ang biktima sa Hospital, apan tungod daghan samad linuba-an ang lawas niini, gideklarang patay sa attending physician.
Ang asawa sa biktima naabtan sa news team nga tulala pa sa hitabo og blangko pa sa kasayuran sa nahitabo sa iyang bana.
Sa kasamtangan padayon pa ang imbestigasyon sa kapulisan sa Pagadian City Police Station aron matumbok ang suspect og unsa ang hinungdan kremin.
