Dakpan ang usa ka 26-anyos nga lalaki atol sa buy-bust operation sa Barangay Kamarangan, Sibuco, Zamboanga del Norte, niadtong nakalabay nga adlaw. Nakumpiska atol sa operasyon ang tulo ka heat-sealed plastic sachet nga adunay sulod sa gidudahang shabu, nga adunay gibug-aton nga mokabat sa 1.5 gramos ug gibanabanang mobalor sa ₱10,200.
Narekober usab sa mga otoridad ang ₱500 nga marked money, usa ka plastik nga sudlanan, putol nga drinking straw nga gituohang gigamit isip improvised scoop, ug usa ka walay sulod nga transparent plastic sachet.
Ang operasyon gipangunahan sa Municipal Drug Enforcement Team sa Sibuco Municipal Police Station, kauban ang 2nd Zamboanga del Norte Provincial Mobile Force Company nga mi-resulta sa malampsuong pagkasikop sa suspetsado.
Ang dinakpan gidala gilayon ngadto sa Sibuco MPS alang sa tukmang disposasyon. Samtang ang mga nakumpiskang gidudahang ilegal nga droga pagadalhon sa Liloy Satellite Forensic Unit alang sa laboratory examination.
