Nakaplagang patay ang usa ka 56-anyos nga lalaki nga naglutaw sa suba sa Barangay Balatukay, Hagonoy, Davao del Sur, niadtong Lunes, Oktubre 19, 2026. Giila ang biktima nga si Ignacio Saligumba Dela Cruz, residente sa Purok 2 sa maong barangay.
Sumala sa Municipal Disaster Risk Reduction and Management Office o MDRRMO, alas 6:05 sa buntag dihang ilang nadawat ang report mahitungod sa insidente.
Sa pagkakaron, padayon pang gipahigayon sa kapulisan ang imbestigasyon aron matino ang tinuod nga hinungdan sa kamatayon sa biktima. Wala pa usab mapamatud-i kon adunay foul play nga nalambigit sa maong insidente.
