Nakabenepisyo ang 60 ka babayeng Persons Deprived of Liberty o PDL sa libreng medical mission nga gipahigayon sa BJMP Digos City District Jail Female Dormitory, sa pakigtambayayong sa City Health Office karong adlawa Oktubre 20,2026.
Gihatagan ang mga PDL og libreng serbisyong medikal aron masiguro ang pagmonitor ug pag-atiman sa ilang panglawas bisan anaa sa kustodiya sa gobyerno.
Kabahin ang maong programa sa paningkamot nga mapalig-on ang serbisyong panglawas ug mapanalipdan ang katungod sa mga PDL sa hustong pag-atiman.
Gipasiugda usab ang kahinungdanon sa panaghiusa sa mga ahensya aron masiguro ang padayong paghatag og kalidad nga serbisyong medikal sa mga PDL.
