Nakalingkawas sa pagpamusil ang kanhing kandidato sa pagka-mayor sa Datu Montawal, Maguindanao del Sur nga si Bapa Samer Beda human gipusil sa wala pa mailhing mga suspek samtang sakay sa iyang Toyota Hilux sa Pikit, Cotabato.
Base sa mga report, wala makaangkon og grabeng kadaot si Beda ug luwas na ang iyang kahimtang human sa insidente.
Makita sa mga hulagway nga mikaylap, ang daghang igo sa bala ang sakyanan sa biktima. Gikataho usab nga ikaduhang higayon na kini nga giambush ang kanhing kandidato.
Sa pagkakaron, wala pay klarong detalye sa eksaktong oras ug lugar sa pagpamusil, identidad sa mga suspek ug posibleng motibo sa insidente. Wala pa usab opisyal nga pahayag ang mga otoridad kalabot sa maong hitabo.
Photo courtesy: PNP Pikit
