Gitutokan sa Philippine Coconut Authority (PCA) Zamboanga del Sur ang expansion sa Coconut planting sa pipila ka bahin sa lalawigan sa tuig 2026 aron matubag ang kakulang sa produksyon.
Matod ni PCA Zamboanga del Sur Division Chief I Deonedes Dagatan, usa sa ilang gihingusgan nga programa ang massive Coconut planting aron matagbo ang demand karon sa world market gumikan sa nihit nga suplay sa copra.
Gisaysay ni Dagatan, nangunang hinungdan sa kanihit sa suplay sa copra sa world market gumikan sa nasinatian nga taas nga hulaw sa mga mag-uuma nga nakaapekto sa produksyon.
Lakip sa iyang giingon nga hinungdan sa pagnihit sa suplay sa lubi mao ang pagconvert sa mga yutang umahan paingon sa industrial ug residential area.
Gidugang pahayag ni Dagatan, sa karon daghan na unta ang investor nga misulod sa lalawigan aron makakuha ug suplay sa lubi hinungdan nga angay na nga himoon ang massive coconut planting.
Photo Courtesy: Axelum
