Nakakumpiska og 756,230 ka yunit nga smuggled nga sigarilyo ang Police Regional Office 12 (PRO-12), nga adunay gibanabanang kantidad nga P243,653,941.76, base sa natigom nga accomplishment report gikan Enero 1, 2025 hangtod Oktubre 18, 2026.
Sa pinakabag-ong report gikan Oktubre 12 hangtod 18, 2026, nakarekord ang PRO-12 og 136 ka operasyon nga miresulta sa pagdakop sa 44 ka indibidwal ug pagkumpiska sa 565 ka master case sa sigarilyo nga nagkantidad og P410,000.20. Gumikan niini, padayon nga gipakusog sa kapulisan ang ilang kampanya aron mapugngan ang ilegal nga pagbaligya ug pag-apod-apod sa mga sigarilyong gipalusot sa nasud.
Pinaagi sa padayon nga operasyon ug hugot nga koordinasyon sa nagkalain-laing ahensya sa gobyerno, mas mapalig-on ang pagpatuman sa mga balaod batok sa mga ilegal nga produkto. Tumong niini nga mapanalipdan ang panginabuhian, kaluwasan ug kaayohan sa mga komunidad.
Photo courtesy: Police Regional Office 12
