Gidugangan og tag- P1,000 nga teaching allowance ang mokabat sa 1,782 ka magtutudlo sa publikong eskwelahan sa Kidapawan City atol sa culmination sa World Teachers’ Day niadtong nakalabay nga adlaw.
Tumong sa lokal nga kagamhanan nga mapasalamatan ang mga magtutudlo sa ilang dakong kontribusyon sa edukasyon ug pagpalambo sa kahibalo ug abilidad sa mga estudyante. Ang pondo alang niini naggikan sa Special Education Fund sa siyudad.
Samtang, gipahibalo usab sa lokal nga kagamhanan nga makadawat usab og susamang P1,000 nga teaching allowance ang mga magtutudlo sa pribadong eskwelahan karong semanaha. Bisan dili dako ang kantidad, giila kini nga dugang nga tabang sa mga magtutudlo ug pagpasalamat sa ilang kakugi ug dedikasyon sa paghulma sa kaugmaon sa mga kabatan-onan.
Photo courtesy: City Government of Kidapawan
