Gipalig-on sa Bureau of Fire Protection (BFP) Pikit Fire Station ang disiplina, panaghiusa ug propesyonalismo sa mga personel pinaagi sa regular nga flag-raising ceremony ug Troop Information and Education (TI&E) niadtong Oktubre 20, 2026 sa Pikit, Cotabato.
Gipangulohan ni SFO4 Hector A. Flores, ang kalihokan nagpasiugda sa kamahinungdanon sa pagtinabangay, pagtuman sa mga lagda ug responsibilidad sa pagpanalipod sa kinabuhi ug kabtangan sa katawhan.
Pinaagi sa TI&E, gipahinumdoman usab ang mga personel sa mga direktiba, polisiya ug pamaagi nga angay sundon aron mas mapalambo ang koordinasyon ug kaepektibo sa pagtubag sa mga emerhensiya.
Mipasalig ang BFP Pikit nga ipadayon ang maong mga kalihokan aron mapalig-on ang kahandaan ug kalidad sa serbisyong publiko ngadto sa komunidad.
Photo courtesy:BFP Pikit
