Gikondina sa Russia ang gihimong pagkumpiska sa US sa ilang oil-tanker niadtong nakalabayng adlaw.
Segon sa Russian foreign ministry, nga kinahanglan nga pabalikon sa ilang nasud ang mga crew sa gika-ingon nga oil tanker. Nagsang-at na usab ang Russia sa diplomatic protest kalabutan sa gibuhat sa United States.
Gihangyo nila nga tratuhon og sakto ang mga crew sa Bella 1 oil tanker. Ang maong barko ang nahilakip sa sanctioned ship sa US nga milawig sa kadagatan sa Venezuela.
Kahibaloan nga dili lang oil tanker sa Russia, giapil usab nga gikumpiska sa US ang oil tanker gikan sa Venezuela.
Photo Courtesy: The New York Times
