Makadawat ang Department of Education (DepEd) og kapin sa Php1.04B nga pundo, alang sa Special Needs Education (SNED) program sa musunod tuig.
Ang dakong pundo kabahin sa pagpalig-on sa ahensya sa programa, nga magtutok sa mga tinun-an nga adunay espesyal nga panginahanglan, mga kakulian, myembro sa mga komunidad sa lumad, out-of-school youth, ug uban pa.
Gusto sa DepEd nga makabaton ug mas inklusibo ug patas nga mga oportunidad alang sa mga estudyante nga adunay espesyal nga panginahanglan, pinaagi sa igong pundo, tukma nga mga programa, ug igong gidaghanon sa mga magtutudlo nga mogiya kanila.
Alang sa mga sakop sa Indigenous Peoples Education (IPEd) program, aduna usab Php154-M nga suporta alang sa sunod tuig. Adunay kapin sa 482,000 ka mga estudyante sa IPEd nga gilauman nga makabenepisyo niini.
Mogahin usab ang ahensya og Php897-M alang sa Alternative Learning System (ALS) sa 2026.
Ang mas dako nga pondo, kabahin usab sa pagtutok sa ahensya sa dul-an sa 640,000 ka ALS nga mga estudyante, ug aron matabangan sila sa pagpadayon sa ilang pagtuon.
Importante ang suporta sa mga estudyante nga adunay espesyal nga panginahanglan, base sa budget proposal nga giaprobahan sa Senado.
Photo Courtesy to: PNA
