Eksaktong duha ka semana sa dili pa ang Pasko, nahuman na sa Movie and Television Review and Classification Board (MTRCB) pinangulohan ni Chairperson Lala Sotto ang pag-review sa walo ka opisyal nga mga pelikula nga misalmot sa 2025 Metro Manila Film Festival.
Kadaghanan sa mga pelikula nakadawat og G ug PG ratings, nagpasabot nga luwas kini nga tan-awon sa mga bata uban sa ginikanan o hamtong, samtang ang horror anthology nga Shake, Rattle and Roll kay R-13.
Matod ni Sotto, pamatuod kini sa dedikasyon sa MTRCB sa paghatag og saktong klasipikasyon ug suporta sa mga lokal nga pelikula.
Giawhag usab niya ang publiko nga suportahan ang MMFF karong kapaskuhan isip selebrasyon sa pagkamamugnaon ug importansya sa istorya sa Filipino.
Photo Courtesy to: PNA
