Nagmugna ang gobyerno sa Hong Kong og usa ka independent committee aron maoy mangulo sa imbestigasyon sa dako ug makalilisang nga sunog nga miigo sa Wang Fuk Court Complex nga miresulta sa kamatayon sa 156 ka tawo.
Matod pa ni Hong Kong Chief Executive John Lee, usa ka huwes ang mangulo sa maong imbestigasyon aron masayran ug mapasakaan og kaso ang responsable sa sunog nga nahitabo sa maong siyudad.
Gikumpirma usab nga 15 ka tawo na ang gidakop ug kasamtangang giimbestigahan nga posibleng adunay kalambigitan sa insidente.
Samtang, kapin sa 30 pa ka indibidwal ang padayon gihapong gipangita human sa grabe nga pag-ulbo sa kalayo.
Naghimo usab og mga tribute ang mga residente sa Hong Kong alang sa mga domestic helper nga naangol sa maong sunog, lakip dinhi ang siyam nga gikan sa Indonesia ug usa ka Pilipina.
Photo Courtesy to: BRC
