Mokabat sa 20 ka mga child laborer parents ang nakadawat ug mga livelihood toolkits atol sa gipahigayong Turn-over sa Livelihood Kits nga gipahigayon sa GAD Center, Molave, Zamboanga del Sur, adlaw’ng Huwebes, Disyembre 4, 2025.
Ang kalihukan gipasiugdahan sa DOLE Region 9- Zamboanga del Sur Office isip kabahin sa 4th Quarter Regional CLPEP Information and Service Caravan 2025 ug sa kasaulugan sa 33rd National Children’s Month nga may tema nga “OSAEC-CSAEM Wakasan: Kaligtasan Ng Bata Ipaglaban”.
Nanguna sa pagtunol sa maong livelihood kits si DOLE 9 Regional Director Albert E. Gutib kauban si DOLEZDS Provincial Director Miraflor Casanes, DOLE personnel ug uban pang mga stakeholders nga anaa mismo sa maong kalihukan.
Nalangkob sa gitunol nga mga livelihood kits ngadto sa mga benepisyaryo mao ang Commercial Cooking kit, Streetfood Vending kit, Cosmetology kit, Dressmaking kit, Carpentry kit, Welding Kit nga mikantidad sa kinatibuk-ang Php797,000.00.
Matod ni DOLEZDS Chief Casanes ang maong mga benepisyaryo nga nakadawat napailawom na sa thorough profiling ug validation diin sila na-asess na basi sa ilang mga gikinahanglan.
