Nagpakamatay ang 18-anyos nga teenager sa South Korea human gipakalat sa uban pang kabatan-onan ang iyang litaro nga nangawat sa unmanned store, sumala sa mga report.
Pipila ka adlaw ang milabay, gipadala sa tag-iya sa tindahan ang picture niya sa usa ka tutoring room, ug dali kini mikatap sa uban pang kabatan-onan. Nakasinati si Lee og grabe nga kahadlok ug kakulba, ug pagkahuman, nakaplagan siyang patay sa iyang panimalay sa Hongseong.
Gisulti ni Lee sa iyang mga higala ug igsoon ang iyang pag-antos, ug sa gabii sa wala pa siya mamatay, nisulti siya nga wala na siyay kapadulgan. Plano sa iyang inahan nga makigkita sa tag-iya sa tindahan aron masulbad ang isyu, apan pagkasunod adlaw, wala na si Lee.
Ang pamilya nagpasaka og reklamo sa pulis batok sa tag-iya sa tindahan ug sa head sa study room nga nagpakatap sa larawan ngadto sa uban pang estudyante, base sa Personal Information Protection Act ug Act on Promotion of Information and Communications Network Utilization.
Nagpasiugda ang kaso og debate online bahin sa privacy ug public shaming, labi na kung ang biktima menor de edad. Daghang opinyon ang nag-ingon nga ang minors nga nagbuhat og petty theft angay lang sulbaron pinaagi sa legal nga proseso, dili sa public exposure.
SOURCE: INQUIRER.NET
Photo Courtesy to:The Tattler
