Gipadako sa national government ang infrastructure flagship projects (IFPs) ngadto sa 209 ka proyekto nga nagtotal Php10.5 trilyon, sumala sa Department of Economy, Planning and Development (DepDev).
Matod ni DepDev Undersecretary Joseph Capuno, 140 niini nagpunting sa transportasyon ug logistics nga motumbas og halos Php9 trilyon, samtang ang uban naglangkob sa tubig, agrikultura, panglawas, digital infrastructure, enerhiya, edukasyon ug housing. 79 ka proyekto nga Php4.07 trilyon ang kasamtang nagpadayon, diin 40 target mahuman sa 2028 ug 39 motabok og termino.
Sa 2023–2024, pito ka proyekto nga Php68 bilyon ang nahuman, lakip ang Arterial Road Bypass Project Phase 3 sa Bulacan, Pasig-Marikina River Channel Improvement Project, ug Panguil Bay Bridge.
Karon, 31 ka proyekto nga nagkantidad Php1.5 trilyon ang aprubado na, 8 ang naghulat sa approval, 44 nga Php2 trilyon anaa sa project preparation, ug 40 nga Php2.5 trilyon sa pre-project stage.
Gilauman ni Capuno nga ang Asean 2026 chairship makapadasig sa ekonomiya ug turismo. Si DepDev Secretary Arsenio Balisacan misiguro nga padayon ang “maayong proyekto” bisan pa sa isyu sa flood control.
Photo Courtesy to:PNA
