Posible nga mosulod pa ang usa o duha ka bagyo sa Pilipinas karong bulan sa Disyembre, sumala sa PAGASA.
Matod ni PAGASA weather specialist Obet Badrina, aktibo ang Disyembre alang sa pagbuo sa mga tropical cyclone. Gipasabot niya nga ang Tropical Storm Verbena, nga internationally nailhan nga Koto, dili na makahatag og epekto sa nasod kay layo pa kini sa Philippine landmass.
Sa alas-3 sa buntag sa Disyembre 2, ang Tropical Storm Koto nasigpatan daplin sa dagat, mga 470 km northwest sa Pag-asa Island, Palawan, uban sa maximum sustained winds nga 45 km/h ug gusts nga 55 km/h.
Dugang ni PAGASA weather specialist Chenel Dominguez, ilang gibantayan ang usa ka low-pressure area sa gawas sa nasod, mga 1,280 km sa silangan sa Eastern Visayas. Wala pa klaro ang track niini, apan magdala kini og pag-ulan sugod Biyernes hangtod sa weekend, labi na sa Bicol, Eastern Visayas, ug Mindanao.
Gipasabot ni Dominguez nga kung mag-landfall kini, molabay kini pag-usab sa Kabisay-an, busa ang mga lugar nga naapektuhan sa mga miaging bagyo posible nga makasinati og pag-ulan.
Photo for illustration Credits to:Eumetsat
