Misaka og 5 porsyento karong tuiga ang sales sa pagkaon sa Pilipinas, tungod sa padayon nga panginahanglan ug pag-uswag sa digital platforms. Kini sumala sa taho gikan sa US Department of Agriculture-Foreign Agricultural Service (USDA-FAS).
Gibanabana sa USDA-FAS ang retail sales sa pagkaon ug ilimnon sa Pilipinas nga moabot sa $110 bilyon sa 2025, usa ka pagtaas gikan sa $104 bilyon sa miaging tuig. Ang taho nag-ingon nga ang pagbaligya sa pagkaon padayon nga nagtaas sukad sa 2022.
Ang langyaw nga ahensya nag-ingon nga ang gipaabot nga pag-uswag “gidasig sa kusog nga panginahanglan, usa ka nag-uswag sa merkado sa pamuo, ang pagpalapad sa modernong mga tindahan sa hilit na mga lugar ug ang pagtaas sa e-commerce.”
“Bisan pa, ang mabinantayon nga paggasto sa mga konsumedor og pagkunhod sa paglihok tungod sa mga bagyo gilauman nga mohinay ang pagtubo kumpara sa 2024, nga usa ka kusog nga tuig alang sa mga retailer, labi na ang mga convenience store,”
Ang taho nag-ingon usab nga ang mga presyo sa ubang mga palaliton nagpabiling taas bisan pa nga ang inflation nagkahinay.
Photo Courtesy to: Retail insider
