Nakaangkon ug samad pinusilan sa nagkadaiyang mga lawas ang 4 ka mga indibidwal human sa nahitabong shooting incident sa usa ka Christmas tree lighting event sa Concord sa North Carolina.
Sumala sa mga otoridad nga tulo sa mga biktima ang anaa sa kritikal nga kahimtang ug usa niini anaa na sa stable nga kondisyon. Dugang pa, wala pa usab matino sa kapulisan ang mga suspek ug ang hinungdan o motibo sa pagpamusil apan padayon sila sa ilang imbestigasyon.
Gisusi pa sa mga otoridad ang CCTV footage sa lugar ug nakigkoordinar na usab na sila sa mga tawong nakasaksi sa panghitabo. Makita usab sa mga imahe ug footage nga gi-post online nga daghang mga tawo ang nagkagiw sa pagdagan human madungog ang pagbuto sa armas.
Kahibaloan nga ang maong kalihokan, usa sa pag-obserbar sa ika-28 nga tinuig nga tree-lighting ceremony nga gitakda nga maglakip sa pagpakita ni Santa ug Mrs. Claus, uban sa mga food truck, pagpakita sa The Grinch ug usa ka fireworks display.
Photo Courtesy to:Hindustan Times
