Mas gipakusgan pa sa Lungsod sa Bislig ang ilang adbokasiya sa pagpanalipod sa kalikupan ug pagpalambo sa komunidad pinaagi sa Memorandum of Understanding (MOU) Signing Ceremony nga gipahigayon niadtong makalabayng adlaw sa Farmer’s Training Hub, Barangay Maharlika syudad sa Bislig diin gipirmahan kini sa City Environment and Natural Resources Office (CENRO), kauban ang Ecosystems Research and Development Bureau – Forest and Wetland Research, Development, and Extension Center (ERDB–FWRDEC), uban sa partner-stakeholders aron suportahan ang Experimental Forest-Site Management Plan ug lain-laing livelihood programs.
Ang mga programa nga gilakip sa MOU mao ang;
Adopt-A-Forest Program
Usa ka major initiative nga nagtinguha sa pagpreserba ug pagpaayo sa kahimtang sa kalasangan sa Bislig. Pinaagi niini, mas mapahugtan pa ang forest conservation efforts, reforestation activities, ug pagdumala sa watershed areas.
Abaca Demonstration Farm
Gitukod aron mapalapdan ang kahibalo sa abaca farming, i-promote ang high-quality abaca products, ug hatagan og dugang panginabuhian ang mga mag-uuma.
Bignay Demonstration Farm
Nakatutok sa pagpalambo sa bignay production ug pag-encourage sa agroforestry practices, nga makahatag og dugang kita pinaagi sa wine processing, juice production, ug uban pang produkto.
Bee Farming / Apiculture Project
Usa ka livelihood program nga gituyo aron tabangan ang mga solo parents sa Brgy. Maharlika. Ang bee farming maghatag og lig-on nga source of income pinaagi sa honey production ug uban pang bee by-products, samtang nakatabang sab sa pollination sa tanum ug pagpaayo sa kahimtang sa kalasangan.
Gibutyag sa CENRO Bislig nga kini nga mga programa dili lamang proteksyon sa kanaiyahan kundi usa sab ka pamaagi aron makahatag og lig-on, malungtarong kita sa katawhan.
Photo courtesy: City Government of Bislig
