Padayong nang biktima ang mga scammers nga gigamit ang pangalan sa buhatan sa Social Security System (SSS), base sa gipahayag ni SSS Regional Communications Officer Noel Nacion sa pakighinabi sa Juander Radyo.
Gipasidad-an ni Nacion ang mga miyembro sa SSS, nga dili gayod motoo kung adunay madawat nga text o chat pinaagi sa messenger nga gigamit ilang buhatan.
Giklaro niini, nga magpadala og mensahe ang SSS apan puro lamang kini impormasyon ug dili kini mang-engganyo.
Subay niini, gipahimangnoan ang mga miyembro nga dili gayud mo click og bisan unsang link nga ginapasa kanila aron malikayan nga mabiktima sa scam.
Gihatagan usab ni Nacion og gibug-aton, ang pagkusog sa Artificial Intelligence kon AI, nga usahay makatag usab og mali nga impormasyon sa publiko.
Aron malikayan nga mabiktima niini, mas maayong buhaton nga mobisita sa ilang opisina ug dili magpadala sa bisan unsang ginatanyag kanila gamit ang ilang buhatan.
Photo Courtesy to:wicked
