Nanawagan ang usa ka opisyal sa Catholic Bishops Conference of the Philippines (CBCP) sa mga Pilipino, nga dili lang magpasalamat kondili protektahan ang Sierra Madre, ang pinakataas nga kabukiran sa Pilipinas nga gikonsiderar nga nanalipod sa Luzon gikan sa Super Typhoon Uwan.
Matod ni Bishop Gerardo Alminaza, vice chairman sa CBCP-Episcopal Commission on Social Action, Justice and Peace, ang tinuod nga pagpasalamat mao ang responsible nga pagpanalipod sa kinaiyahan, dili lang sa pagtabang panahon sa kalamidad.
Gihatagan usab og gibug-aton sa Obispo, nga ang kabukiran nadaot tungod sa quarrying, illegal logging, ug uban pang mga proyekto, ug kini nga kadaot nagpakita sa kahakog ug pagpabaya sa tawo.
Una nang mitaho ang state weather bureau nga nihuyang ang Super Typhoon Uwan, sa pag-igo niini sa kabukiran sa Luzon, apil ang Sierra Madre, nga nagpamatuod pag-usab sa importansya niini isip natural nga proteksyon sa nasud batok sa mga bagyo.
Photo Courtesy to:CBCP News
