Pormal nang giselyuhan ug gipirmahan ang kasabutan sa paggamit sa Bukidnon Sports & Cultural Complex, partikular ang mamahimong Memorandum of Agreement tali sa Provincial Government of Bukidnon ug Philippine Sports Commission (PSC) alang sa Regional Training Center sa Boxing pinaagi kagahapon Nobyembre 5, 2025 sa Bukidnon Sports Complex sa Barangay Laguitas, Malaybalay City.
Ang kalihokan gitambongan ni Senador Juan Miguel Zubiri kauban sila Provincial Governor Rogelio Neil Roque, John Patrick Gregorio chairman sa Philippine Sports Commission, mga Mayores sa 22 ka LGUs, DepEd Bukidnon ug uban pa.
Sa mensahe ni Senator Zubiri giawhag niya ang mga local chief executives sa paghatag full support alang sa sports development ug buhion ang grassroots programs sa matag lungsod kansang pamaagi sa paghatag kahigayonan sa kabatan-onan, ilabina sa mga atleta nga adunay potensyal ug talento.
Gihatagan usab niiini ug gibug-aton nga ang maong kasabotan dili lang papel, apan pamatuod sa commitment pag-abli sa Bukidnon isip sentro sa Mindanao sports training.
Samtang napaduol na ang training site sa mga lumad nga atleta sa probinsya, dako kini og tabang aron mas dali silang masuportahan sa ilang pamilya ug LGU samtang nagbansay ug nangandam sa kompetisyon.
