Gipakita sa tulo ka Sangguniang Kabataan (SK) chairpersons sa San Carlos City ang ilang kahibalo sa lokal nga pangagamhanan human nila makuha ang ikatulong pwesto sa 5th Local Governance Quizzard – SK Category nga gipahigayon sa Robinsons Mall Bacolod niadtong nakalabay nga adlaw.
Girepresentar nila ang San Carlos City ang SK Chairpersons nga sila si Lilibeth A. Juezan sa Barangay Nataban, Jerico A. Magno sa Barangay Quezon, ug Bobby Jay C. Solitario sa Barangay Punao.
Sa kompetisyon, nakuha sa Sipalay City ang unang pwesto, gisundan sa Pontevedra sa ikaduhang pwesto ug San Carlos City sa ikatulo. Opisyal nga giturn-over sa SK Federation ang award kang City Mayor Renato Y. Gustilo niadtong Nobyembre 3 sa iyang opisina.
Mitambong usab sa turnover si SK Federation President Marydawn Cañetan ug DILG City Local Government Operations Officer John Christopher V. Reguindin.
Photo courtesy: San Carlos City, Neg. Occ. -LGU Information Page
