Nasikop sa kapulisan ang usa ka 32-anyos nga lalaki human madakpan sa aktong pagbaligya og gituohang shabu atol sa buy-bust operation sa Phase 8, Barangay Rizal, San Carlos City, alas-3:04 sa hapon, Nobyembre 3, 2026. Giila ang suspek sa alyas Errol, residente sa maong lugar.
Sumala sa report, walo ka sachet sa gituohang shabu nga adunay gibug-aton nga 7.73 gramos ug gibanabanang bili nga ₱52,564 ang narekober sa mga operatiba. Nakuha usab ang ₱600 nga buy-bust money ug usa ka itom nga coin purse.
Gipahigayon sa San Carlos City Police Station Drug Enforcement Team ang operasyon. Gidala na ang suspek sa kustodiya sa kapulisan, samtang ipadala sa forensic unit ang nakumpiskang substansiya alang sa laboratory examination.
Photo courtesy: San Carlos CPS
