Mokabat na sa 79,196 ka pamilya o 248,487 ka indibidwal gikan sa 1,349 ka barangay sa tibuok western Visayas ang namakwit sa mga evacuation centers niadtong Martes, sumala sa Department of Social Welfare and Development o DSWD Region 6. Kini taliwala sa padayong kusog nga pag-ulan ug kusog nga hangin dala sa Bagyong Tino.
Diin ang nasampit nga ihap, 7,966 ka pamilya kon 27,568 ka indibidwal ang gikan sa probinsya sa Aklan, diin gipailawom kini sa Tropical Cyclone Wind Signal No. 4 sa Southern Portion bahin sa Aklan sa Libacao, New Washington, Banga, Altavas, Madalag, Balete ug Batan.
Matod ni Therese Fely Legaste, public information officer sa DSWD Region 6, nakaalerto na ang ilang quick response teams (QRTs) sa pagtabang sa mga LGUs sa paghatag og hinabang sa mga pamilyang apektado sa bagyo. Kini human gibutang sa Red Alert status ang ilang Regional Emergency Operations Center.
Sa laing bahin, gibutyag ni Legaste nga adunay 105,181 ka family food packs (FFPs) nga nagkantidad og P62.19 milyones nga preposition na sa ilang nagkadaiyang bodega sa Western Visayas.
Gawas sa regular boxes sa FFPs, ang ready-to-eat food nga nagkantidad og P2.4 milyones ug non-food items nga nagkantidad og P25.8 milyones ang gipreposisyon usab. Kun asa aduna usab silay standby fund nga P2.79 milyones. Sa pagkakaron nga nang apod-apod na matud pa sila og pagkaon sa mga pasahero nga naapektuhan sa suspension sa pagbiyahe sa dagat.
Photo Courtesy to:DSWD
