Napildi ang San Antonio Spurs sa season sa mga kamot sa Phoenix Suns, sa score nga 130-118. Gipangulohan ni Devin Booker ang iyang team nga adunay double-double performance – 28 puntos, 13 ka assists. Sa unang kapildihan sa Spurs sa season, ang big man nga si Victor Wembanyama nalimitahan sa nuybe puntos ug siyam ka rebounds.
Sa 14 ka shots nga gibuhian ni Wemby, upat lang niini ang iyang nahimo, samtang unom sab ka turnovers ang iyang nahimo sa tibuok duwa.
Niabot og 31 puntos ang lamang sa Suns hangtod nga napugos ang Spurs sa paggukod niini, apan epektibo ra ang ilang pagbalik sa 4th quarter diin ang team nakamugna og 40 puntos samtang ang Suns igo lang nakamugna og 28.
Hinuon, nakamentinar gihapon ang Suns og igong puntos aron makaposte og 12 puntos nga kadaugan sa kataposan sa duwa.
Naabot ang kadaugan sa Suns bisan pa man nga wala ang shooter nga si Jayleen Green, kinsa nagpaalim sa injury sa hamstring. Ang team nakahimo og 19 ka 3-pointers gikan sa 22 ka tres nga ilang gisuwayan sa tibuok duwa. Kini katumbas sa 86 3-point nga porsyento, usa sa pinakataas sa kasaysayan sa liga.
Photo Courtesy to:Pounding the Rock
