Wagtangon na sa Department of Public Works and Highways (DPWH) Secretary Vince Dizon ang overpricing sa presyohan sa mga materyales nga gigamit sa ahensya alang sa mga proyektong ipatuman.
Matod ni Dizon, gibase na nila karon sa presyuhan sa merkado ang gamiton sa musunod nga proyekto ug ang maggikan lang usab sa mga lehitimong contractors sa gobyerno ug pribadong sector.
Gumikan niini, dili matud pa angay nga tuohan sa publiko nga substandard o minus ang kalidad sa mga materyales nga gamiton gumikan nga mubarato na ang presyo niini sa karon.
Pagpasabot ni Dizon, ang overpricing sa construction materials ang usa sa hinungdan sa mga kurapsyon sa maong ahensya. Gipakita ni Dizon ang halos pila ka doble nga patong sa presyo sa mga construction materilas gikan sa lain-laing rehiyon sa nasud.
Gitun-an na sab matud pa karon ni Dizon kung may liability o pwede nga kasuhan ang mga personahe sa ahensya nga nalambigit sa over pricing sa mga materyales sa DPWH.
Photo Courtesy to:PNA
