Arestado ang usa ka laborer human kini nabawian ug lima ka pakete sa drugang shabu atol sa gilusad nga joint anti-drug operation sa may Barangay Santa Lucia, Pagadian City, adlaw’ng lunes, Nobyembre 03, 2025.
Gikasa ang operasyon sa pagpanguna sa Pagadian City Police Station kauban ang Philippine Drug Enforcement Agency Region 9, 902nd MC, RMFB9, ug Zamboanga del Sur Maritime Police Station nga miresulta sa pagkasikop sa suspetsado.
Lakip sa nabawi ang usa ka metallic blue Android cellphone kwarta nga gigamit isip buy-bust money. Ang mga nakuhang druga ipailawom sa laboratory examination sa PDEA9 Laboratory Service.
Samtang gi-andam na ang kasong paglapas sa Comprehensive Dangerous Drugs Act of 2002 kon RA 9165 nga ipasaka ngadto sa suspetsado nga nakakustudiya na sa Pagadian CPS.
Photo Courtesy to:Istock
