Gibutyag sa Department of Public Works and Highways kon (DPWH) nga gilauman niini nga makadaginot hangtod sa Php60 bilyon sa 2026 samtang gipakunhoran niini ang gasto sa sobra nga presyo sa mga materyales sa konstruksyon aron mohaum sa tinuod nga presyo sa merkado.
Si Presidente Ferdinand Marcos Jr. kaniadto nagmando sa ahensya nga ipaubos ang gasto sa mga materyales alang sa mga proyekto sa imprastraktura sa gobyerno hangtod sa 50 porsyento aron maminusan ang mga oportunidad sa korapsyon.
Apan human sa pagtimbang-timbang sa mga presyo sa semento, aspalto, sheet piles, ug steel bars, ug uban pa, sa lainlaing mga rehiyon, si Dizon miingon nga ang pipila ka mga materyales nakita nga sobra ang presyo hangtod sa 70 porsyento.
Pananglitan, sa Rehiyon IV-B o MIMAROPA, ang presyo nga gitakda sa DPWH alang sa aspalto sobra sa P23,000 matag metriko tonelada. Nakita sa bag-ong liderato sa DPWH nga ang presyo niini sa merkado ubos sa P6,000.
Matod ni Dizon, base sa ilang inisyal nga pagtuon, makahimo na ang DPWH sa pagtukod og mas importanteng imprastraktura gumikan niining bag-ong reporma.
Sa ubang mga savings, si Dizon niingon nga iya na lang itugyan sa Kongreso ang pagdesisyon kon asa i-reallocate ang mga pundo.
Photo courtesy: Bilyonaryo News Channel
