Gihingusgan karon sa Philippine National Police (PNP) nga madakpan ang mga sindikato nangbiktima sa mga katawhang gusto lamang magtrabaho sa ubang nasud aron masuportahan ang ilang pamilya sa matag adlaw nga panginahanglanon.
Kini ang pasidaan ni PNP acting Chief, Police Lieutenant General Jose Melencio Nartatez Jr. batok sa mga sindikatong nagpadagan sa mga overseas job scam sa nasud.
Matod ni Nartatez, nakig-coordinate na ang PNP sa ilang international counterparts aron gukdon ang mga anaa sa likod sa online scam hubs na mipuntirya sa mga Pilipino.
Kini nahisubay usab sa direktiba ni Pangulong Ferdinand R. Marcos, Jr. nga pakusgon ang aksyon sa kagamhanan kontra human trafficking ug sigurohon ang luwas na repatriation sa overseas Filipinos
Gawas niini, nakigtabang usab ang PNP sa Department of Foreign Affairs (DFA) ug Department of Migrant Workers (DMW) para sa daling ikasikop sa mga kawatang nangilad sa mga Pilipino.
Base sa report na nadawat sa DFA gikan sa Embahada sa Pilipinas sa Yangon, anaa sa 222 Pilipino nga anaa sa scam hub areas ang gusto nang mopauli sa nasud pinaagi sa repatriation.
Photo Courtesy to:Inquirer.net
