Nailhan na sa kabanay ang patay’ng lawas nga napalgan sa kadagatang bahin sa Bibilic, Dumalinao, Zamboanga del Sur kagahapon sa udto, Oktubre 28, 2025. Giila sa ang maong biktima sa pangalang Peter Cabrera, hingkod ang panuigon, residente sa Dumagoc, Pagadian City, ug dugay nang mananagat.
Saysay sa kabanay sa biktima, sayo sa kaadlawon nianang Oktubre 28 mibiya sa ilang panimalay ang biktima aron unta sa pagpanagat.
Apan napalgan nalang kagahapon sa udto sa samang petsa sa kaubang mananagat nga nag-akbo na lang sa iyang sakayan ang biktima ug nasuta nga wala nay kinabuhi.
Dali nga gikuha sa Zamboanga del Sur Maritime Police Station kauban sa Coastguard Zamboanga del Sur ang maong biktima ug gidala sa syudad sa Pagadian.
Positibo usab nga giila sa nagbangutang kabanay ang patay’ng lawas sa biktima nga karon plano nang dad-on sa usa sa mga funeral homes sa syudad aron kini mapahimutang.
Samtang walay nakitang foul play ang mihiling nga Doctor sa patay’ng lawas, matod pa posibleng gi-atake kini sa highblood ang biktima, hinongdan sa iyang kamatayon.
