Gihingusgan sa Land Transportation Office (LTO Region 9) ang paglusad sa hugot nga inspection sa mga nag-unang terminal sa rehiyon, lakip sa Pagadian City Integrated Bus Terminal, alayon sa “Oplan Biyaheng ayos: UNDAS 2025 hangtud sa Nobyembre 4, 2025.
Sa pakighinabi sa Juander Radyo News Team kang LTO-9 Assistant Regional Director Johan Macaumbos, giigon niini nga lakip sa ilang gi-inspeksyon ang kondisyon sa mga bus og kumpletong dokomento sa mga driver nga mobyahe.
Dugang pa ni ARD Macaumbos atol sa inspeksyon sa bus terminal duha ka bus ang ilang nasita tungod sa buak nga samin sa wind shield ug hilis nga ligid og kini gipa-ilisan sa lain nga unit sa Operation Manager sa Rural Transit Mindanao Incorporated (RTMI).
Lakip sa gipahimangnuan sa opisyal ang mga motorista nga adunay taas-taas nga biyahe nga mobisita sa nagkadaiyang mga sementeryo sa rehiyon dungan sa paghandom sa All Saints Day ug All Souls Day.
Ang katuyoan sa gihimong lakang sa LTO 9 aron magpabiling luwas ang publiko sa ilang pagbiyahe ug moabot nga safety sa destinasyon, ilabina nga dagsaon sa mga biyahero ang mga terminals sa kasaulogan sa kalag-kalag.
