Paslak sa prisohan ang duha ka mga indibidwal human gikatahong nangawat ug mga mahalong korona nga alahas sa Louvre museum didto sa Paris, France, kini ang gikompirma sa mga otoridad niadtong Oktubre 26, 2025.
Ang maong insidente nakapakurat sa kadaghan ug sa mga opisyal ilabina sa tibuok kalibutan. Nasayran nga pipila ka mga imbestigador ang gipalihok sa maong operasyon aron sa pagsubay sa mga kawatan nga nangawat sa sikat nga museyo niadtong Oktubre 19.
Base sa report sa mga otoridad, ang mga nakuhang alahas gibana banaang mukabat sa $102 milyon US Dollar. Kahibaloan nga nasikop ang mga suspetsado human adunay mitaho nga usa ka concerned indibidwal nga diay ang mga suspek mga banggi-atan na sa pagpanglungkab nga gikan sa Seine-Saint-Denis, Paris.
Dugang pa sa report, nga ang usa sa mga suspetsado nadakpan didto sa Paris-Charles de Gaulle airport, diin plano unta niini nga musakay ug eroplano paingon sa Algeria. Gani, nasayran nga ang duha organisado nang gapangawat ug mubuhat ug kriminal nga panagkunsabo.
Sa karun ang mga dinakpan gikustodiya na sa kapulisan ug mag atubang tukmang kaso.
Photo Courtesy to:Postposmo
