Nagmalampuson nga nagkasabot ang Estados Unidos ug China alang sa usa ka framework sa trade deal nga nagtinguha sa pagpakunhod sa tensiyon tali sa duha ka dagkong ekonomiya sa kalibutan.
Sumala ni US Treasury Secretary Scott Bessent, kini ang unang hugna sa kasabutan nga personal nga gihunongdan sa mga lider sa duha ka nasod, kinsa unang nagtagbo sa wala pa ang pormal nga panagkita ni US President Donald Trump ug Chinese President Xi Jinping.
Gipasabot sa opisyal nga ang maong framework naglangkob sa pag-usab ug pag-repaso sa mga taripa nga gipahamtang sa duha ka bahin sa panahon sa grabe nga trade war sa miaging mga tuig.
Tinguha sa kasabutan nga: mapalig-on ang patas nga patakaran sa pagnegosyo, mapanalipdan ang industriya sa matag nasod, ug malikayan ang dugang pagtaas sa tensiyon o posibleng krisis ekonomikanhon.
Padayon pa karon ang teknikal nga panaghisgot tali sa mga delegado sa US ug China aron hingpit nga pormalon ang trade deal sa mosunod nga mga semana.
Maghimo usab og personal nga panagkita sila Trump ug Xi sa South Korea karong Huwebes, diin gilauman nga pormal nilang pirmahan ang dugang mga detalye sa maong kasabutan.
Kung mauswag ang maong deal, makahatag kini og positibong epekto sa merkado sa kalibutan, ilabi na sa presyo sa mga produkto, pamuhunan, ug international trade relations.
PHOTO COURTESY TO: NEWSWEEK
