Gibutyag ni Marlon Clapano, ang Hepe sa Security and Management Division sa syudad sa Iligan nga ilalom sa iyang pagdumala sa buhatan strikto niyang gipatuman ang mga pamalaod sa Civil Service nga kinahanglang sundon sa mga kawani sa gobyerno.
Matod pa ni Clapano, nga sa ilang opesina pa lang daan hugtanon nang gipatuman ang pagsunod sa mga lagda sa Civil Service alang sa tanang mga empleyado sa gobyerno Regular man, Job order ug Contract of Service (COS).
Gidugang pa niya nga panahon sa flag raising ceremony, strikto usab nilang gipasunod sa tanang mga empleyado ang pagsul-ob sa official uniforme ug LGU ID. Gidid-an usab ang mga empleyado nga ma-late sa pagsaka sa Anahaw Amphitheater kung nagsugod na ang seremonya sa flag raising.
Gipasabot ni Clapano nga ang pag-apil sa flag raising usa ka obligasyon sa matag empleyado sa lokal nga panggobyerno, aron ma-update sila sa mga kalihokan ug impormasyon gikan sa lokal nga mga opisyal sa syudad.
